Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

BSU-da “Psixologiya Zirvəsi – 4” beynəlxalq elmi-praktik konfransını keçirilib

İyunun 27-də Bakı Slavyan Universitetinin (BSU) ev sahibliyi, Müasir Azərbaycan Psixoloqları Cəmiyyəti və Psixologiya Elmi-Tədqiqat İnstitutunun təşkilatçılığı ilə “Psixologiya Zirvəsi – 4. Şəhər, insan və psixoloji rifah” adlı beynəlxalq elmi-praktik konfransı keçirilib.

Beynəlxalq tədbirdə Azərbaycan, Türkiyə və Özbəkistandan tanınmış alimlər, psixoloqlar, tədqiqatçılar, elm və təhsil nümayəndələri iştirak ediblər.

BSU-nun şəhid məzunları ordenlə təltif olunublar

Azərbaycan Respublikasının Prezidenti cənab İlham Əliyevin müvafiq Sərəncamına əsasən Bakı Slavyan Universitetinin şəhid məzunları 3-cü dərəcəli “Vətənə xidmətə görə” ordeni ilə təltif olunublar.

Təltif olunan məzunlarımız:

Allahverdizadə Elnur Əli oğlu

Rüstəmli Kənan Yalçın oğlu

Bakı Slavyan Universiteti şəhid məzunlarının əziz xatirəsini dərin ehtiramla yad edir, onların ailələrinə və doğmalarına səbir diləyir.

Allah bütün şəhidlərimizə rəhmət eləsin!

BSU beynəlxalq reytinqdə irəliləyib

Bakı Slavyan Universiteti (BSU) nüfuzlu Times Higher Education (THE) təşkilatının açıqladığı “THE Sustainability Impact Rankings 2026” reytinqində irəliləyərək ötən ilki 1500+ diapazonundan 1001+ diapazonuna yüksəlib. Bu nəticə BSU-da dayanıqlı inkişaf istiqamətində həyata keçirilən sistemli fəaliyyətin və beynəlxalq səviyyədə tanınan nəticələrin göstəricisidir.

 2026-cı il “THE Sustainability Impact Rankings” reytinqində iştirak edən 1600-dən çox ali təhsil müəssisəsi arasında Bakı Slavyan Universiteti Dayanıqlı İnkişaf Məqsədləri üzrə bir sıra istiqamətlərdə yüksək nəticələr əldə edib.

Universitetin ən yüksək göstəriciləri aşağıdakı Dayanıqlı İnkişaf Məqsədləri üzrə qeydə alınıb:

•DİM 5 – Gender bərabərliyi üzrə 201–300-cü diapazonda;

•DİM 1 – Yoxsulluğa son, DİM 13 – İqlim dəyişikliyinə qarşı mübarizə və DİM 16 – Sülh, ədalət və güclü institutlar üzrə 401–600-cü diapazonda;

•DİM 4 – Keyfiyyətli təhsil və DİM 10 – Bərabərsizliyin azaldılması üzrə 601–800-cü diapazonda;

•DİM 3 – Sağlamlıq və rifah və DİM 8 – Layiqli əmək və iqtisadi artım üzrə 801–1000-ci diapazonda;

•DİM 17 – Məqsədlər naminə tərəfdaşlıqlar üzrə isə 1001–1500-cü diapazonda qərarlaşıb.

Qeyd edək ki, əldə olunan nəticələr BSU-da inklüziv təhsil, gender bərabərliyi, sosial rifah, iqlim fəaliyyəti və beynəlxalq əməkdaşlıq istiqamətlərində həyata keçirilən tədbirlərin nəticəsidir

Bakı Slavyan Universitetinin rəhbərliyi Ulu Öndər Heydər Əliyevin məzarını ziyarət ediblər.

15 iyun Milli Qurtuluş Günü ərəfəsində Bakı Slavyan Universitetinin rektoru Anar Nağıyev, professor-müəllim heyəti, tələbələri Ulu Öndər Heydər Əliyevin məzarını ziyarət ediblər.

BSU Xaçmazda Xarici Dil Müəllimlərinin IV Regional Forumunu keçirib

İyunun 10-da Xaçmaz şəhərində Bakı Slavyan Universitetinin (BSU) Müasir Dillər layihəsi çərçivəsində Quba–Xaçmaz Regional Təhsil İdarəsinin təşkilatçılığı ilə Xarici Dil Müəllimlərinin IV Regional Forumu keçirilib. Tədbirdə müxtəlif regionlardan xarici dil müəllimləri, həmçinin Azərbaycan Dövlət Pedaqoji Universitetinin Quba filialının xarici dil müəllimləri iştirak ediblər.

Forum Quba–Xaçmaz Regional Təhsil İdarəsinin tabeliyində fəaliyyət göstərən ümumtəhsil məktəblərinin xarici dil müəllimlərini, təhsil mütəxəssislərini və akademik heyəti bir araya gətirərək müasir tədris yanaşmalarının müzakirəsi üçün mühüm platforma rolunu oynayıb.

BSU rəhbərliyi şəhid məzunların ailələrini ziyarət edib

Bakı Slavyan Universitetinin rektoru Anar Nağıyev və universitetin rəhbər heyəti Azərbaycanın ərazi bütövlüyü və suverenliyi uğrunda canlarından keçən universitet məzunlarının – antiterror əməliyyatı zamanı şəhid olan Cavid Azər oğlu Mirzəyevin və Vətən müharibəsi şəhidləri Elnur Əli oğlu Allahverdizadənin, Nicat Ayaz oğlu Şükürlünün, Kənan Yalçın oğlu Rüstəmlinin, Aprel şəhidi Vüqar Natiq oğlu Süleymanovun ailələrini ziyarət ediblər.

Daha sonra universitet rəhbərliyi şəhid məzunların məzarlarını ziyarət edərək üzərlərinə gül dəstələri düzüb, onların əziz xatirələrini dərin ehtiramla anıblar.

BSU-da Ənvər Abbasovun 75 illiyinə həsr olunan konfrans keçirilib

İyunun 4-də Bakı Slavyan Universitetində (BSU) pedaqogika üzrə fəlsəfə doktoru, əməkdar müəllim, dosent Ənvər Abbasovun 75 illik yubileyinə həsr olunan “Təhsil innovasiyaları müstəvisində” mövzusunda konfrans keçirilib.

Konfransda çıxış edən BSU-nun rektoru Anar Nağıyev tədbirin həm Ənvər Abbasovun 75 illik yubileyinə, həm də müasir təhsil və ali təhsilin qarşısında duran aktual çağırışların müzakirəsi üçün mühüm platforma olduğunu vurğulayıb.

Rektor qeyd edib ki, bu gün ali təhsil müəssisələrinin əsas vəzifələrindən biri əmək bazarının tələblərinə uyğun, innovativ düşüncəyə malik mütəxəssislərin hazırlanmasıdır. O, xüsusilə pedaqoji kadr hazırlığı, təhsil məzmununun yenilənməsi, ömürboyu təhsil, inklüzivlik və süni intellektin tədris prosesinə inteqrasiyası kimi məsələlərin aktuallığını diqqətə çatdırıb.

BSU Çinin ali təhsil ocaqları ilə əlaqələrini genişləndirir

Bakı Slavyan Universitetinin (BSU) rektoru Anar Nağıyevin rəhbərliyi ilə nümayəndə heyəti Çin Xalq Respublikasına səfər edib.

BSU Çinin Hucou Pedaqoji Universiteti ilə əməkdaşlıq müqaviləsi imzalayıb.

Görüş zamanı tərəflər arasında ali təhsil, elmi-tədqiqat, akademik mübadilə və digər istiqamətlərdə əməkdaşlıq imkanları müzakirə edilib. Müzakirələrin yekununda Bakı Slavyan Universiteti ilə Hucou Pedaqoji Universiteti arasında əməkdaşlığa dair müqavilə imzalanıb.

Bakı Slavyan Universitetinin (BSU) rektoru Anar Nağıyevin rəhbərliyi ilə universitetin nümayəndə heyətinin Çin Xalq Respublikasına səfəri çərçivəsində ölkənin pedaqoji təhsil sahəsində aparıcı ali təhsil müəssisələrindən olan Pekin Pedaqoji Universitetində görüş keçirilib.

Görüş zamanı tərəflər arasında əməkdaşlıq perspektivləri müzakirə olunub. Xüsusilə, xarici dillər üzrə pedaqoji təhsilin təşkili, müəllim və tələbə mübadiləsi proqramlarının həyata keçirilməsi, yay məktəblərinin təşkili, birgə elmi araşdırmaların aparılması və beynəlxalq konfransların keçirilməsi istiqamətində əməkdaşlıq imkanları nəzərdən keçirilib.

Tərəflər elm və təhsil sahəsində qarşılıqlı əlaqələrin genişləndirilməsinin əhəmiyyətini vurğulayaraq, gələcəkdə birgə layihələrin reallaşdırılması barədə fikir mübadiləsi aparıblar.

Səfər çərçivəsində Çinin nüfuzlu ali təhsil ocaqlarından olan və dünyada xarici dillərin tədrisi üzrə qabaqcıl universitetlər sırasında yer alan Pekin Xarici Dillər Universitetinin (PXDU) rəhbərliyi ilə keçirilən görüşdə əməkdaşlıq məsələləri müzakirə olunub.

Qeyd edilib ki, son illər dövlət başçıları – İlham Əliyev və Si Cinpinin strateji baxışları ilə istiqamətlənən ikitərəfli münasibətlər sürətlə inkişaf edərək, hərtərəfli strateji tərəfdaşlıq səviyyəsinə yüksəlib. Bu, hər iki ölkənin bütün sahələrdə, o cümlədən elm və təhsil sahəsində əməkdaşlığının daha da irəli aparılması və zənginləşdirilməsi üçün imkanlar yaradıb.

 Bu xüsusda Bakı Slavyan Universiteti ilə Pekin Xarici Dillər Universiteti arasında dillərin, xüsusən də PXDU-da Azərbaycan dilinin, BSU-da isə Çin dilinin tədrisi sahəsində əməkdaşlıq, o cümlədən müəllim və tələbə mübadiləsinin mümkünlüyü vurğulanıb.

BSU-da Milli Qurtuluş Gününə həsr olunmuş dəyirmi masa keçirilib

İyunun 13-də Bakı Slavyan Universitetinin (BSU) və Yeni Azərbaycan Partiyası (YAP) Nəsimi rayon təşkilatının birgə təşkilatçılığı ilə 15 İyun – Milli Qurtuluş Günü ilə əlaqədar dəyirmi masa keçirilib.

BSU tələbələri bədii yaradıcılıq müsabiqə-festivalında iştirak ediblər

BSU tələbələri bədii yaradıcılıq müsabiqə-festivalında iştirak ediblər

Mayın 8-də Bakı Slavyan Universitetinin tələbələri Azərbaycan Respublikası Elm və Təhsil Nazirliyi, Azərbaycan Həmkarlar İttifaqları Konfederasiyası, eləcə də Elm və Təhsil İşçiləriHəmkarlar İttifaqı Respublika Komitəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş bədii yaradıcılıq müsabiqə-festivalında iştirak ediblər.

Müsabiqə çərçivəsində müxtəlif ali təhsil müəssisələrinin tələbələri musiqi nömrələri, rəqs və bədii qiraət çıxışları ilə öz istedadlarını nümayiş etdiriblər.